Komuna lingvo (fabelo)

La bestoj decidis fari ian komunan lingvon, per kiu oni povos komprenigi sin, se ili renkontiĝas ie en la arbaro aŭ sur la kamparo.Ĝis nun la grava problemo estis la komunikado kaj pro la lingvaj miskomprenoj ofte okazis fatalaj tragedioj. Por eviti tiun ĉi ĉiutagajn konfliktojn, nepre ili devas fari komunan lingvon.

La bestoj kunvenis sur arbara maldensejo, kaj komenciĝis la akra diskuto. La urso ekstaris sur podion kaj ĝi komencis oratori: — Estimataj ĉeestantoj, en la arbaro regas lingva ĥaoso. La leporeto ne komprenas la vulpon, la korvo la paruon. Ankaŭ nun multaj el vi ne konas miajn vortojn. Tio estas tre malbona. Ni devas eltrovi solvon, ke tiu ĉi problemo estu evitebla en la estonto. Kiom bone estus, se ĉiu besto komprenus unu la alian en la arbaro. Ĉesiĝus tuj la lingvaj miskomprenoj. Ni plu ne estus malamikoj. Mi esperas, vi komprenas kaj apogos min, por ke ni uzu komunan lingvon per kio ĉiu besto povos komuniki. –

Granda demando, kies lingvo estu elektita por tiu ĉi grava celo. Tiu helplingvo devas esti sendependa kaj facile ellernebla por ĉiu.

– Por ke mi helpu al vi elekti la komunikilon, mi proponas al vi elektu la mian. La ursolingvo estas vaste disvasiĝinta, belsona kaj mi garantias, vi facile povos ellerni ĝin. Espereble vi ĉiuj unuanime akceptos mian proponon kaj post kelkaj sezonoj vi parolos urse. Tiam belega epoko sekvos en la arbaro.Vi komprenos ne nur min, sed ĉiun beston. Laŭ mi neniu lingvo povus plenumi tiun ĉi rolon. Do, mi rekomendas al vi, tuj komencu lerni la ursolingvon. Mi kaj miaj familianoj helpos al vi en la lernado. Ni donos al vi lernilojn senpage, eĉ la eminentuloj premie povos vojaĝi al la norda poluso por renkontiĝi kun nia granda frato, la blanka urso. –

Neatendite kampara museto interrompis la oracion. — Kio okazos al tiu, kiu ne deziras ellerni la ursolingvon? –

La urso kolereme alrigardis la kamparan museton kaj murmuris: — Vi estas tro malgranda. Vi ne rajtas kontraŭi mian proponon. Vi kaj aliaj malgrandaj bestoj devas akcepti la novan lingvon sen diskuto. –

La bestoj mute aŭskultis la urson, kaj neniu kuraĝis diskuti. El ili multaj konsentis, en la estonto, ke la ursolingvo estu la unusola komunikilo. Kiu kontraŭis tion, tiun la timiga kaj forta urso punis.

                                                    Marde, novembro 2011 v 21:34 Apáti Kovács Béla

Příspěvek byl publikován v rubrice Nezařazené. Můžete si uložit jeho odkaz mezi své oblíbené záložky.

Napsat komentář

Vaše emailová adresa nebude zveřejněna.

Můžete používat následující HTML značky a atributy: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>